ضاقت الأرض الرحيبه على الشاعر وقال الأمل لو نجمعه فـ السنين اتبعثره كل جذعٍ لي شمخ وارتقى فيه المطال لزم له يومٍ به اردى الهبايب تكسره ما عن الواقع محاجي ولو صم الجبال أمرنا ما بين كافٍ ونونٍ قدره البنادم خلقته بين نزلً وارتحال لو فطن فيما خلق كان شفت ابه اثمره والأماني ما تحقق على مسراح بال كود باسً له سعاطير راس تضمره علمتني شهب الأيام مع سود الليال ان دوام العسر لو طال تاليه ايسره وان منتوج الردي ما تزكيه الخوال الحمير اتبطح الخيل بغلٍ واعيّره وان جرو الذيب لو هو رضع أم الحلال لي برز نابه على الدم حده واجبره والجميل اللي يقدم ولا يحسب جمال ضاع مضياع القراده تحت حسك اوبره اشهد ان بعض النساوين عن عشرة رجال واشهد ان بعض الرجاجيل ما يسوى مره عادتك يا عايش النقص موهوم الكمال وعادتك يا وافر الطيب ما فيك اقصره المواقف حزة الضيق تظهر لك خصال من تلوّن بالرخا في صفاتٍ تنكره ومنةٍ ما هيب منة إلهي ذا الجلال ساوت الروز لمهّول بريش الحمره لي متى والناس بأنسابها فيها ضلال القلوب امنفره والنفوس امطفره ثم وجد في سوقها راعي النمه مجال كان ما باع وشرى ما لقى ما يخسره تفتخر هافّية لجدود بجدودً هزال وتفتخر قرانة المجد باللي تذكره والبشر من نوح الأول والا فيها جدال الأصل أدم وجل المكارم مفخره الشجاع ان داول الحلم جا فيه اعتدال والكريم ان زاول السلم جت فيه اخيّره يعرف الوجه الظفر لا صفق جالً بجال والفشل يعرف الا ثار بالكون اغبره ربعت الأجواد شمسً ما غايبها الزوال اللي ما فيهم ليا طحت يعطيك اظهره تضهى رفقتهم قناطير امقنطرةً بمال للخوي ريفان واسباع دونه هزبره محتمينك بالصواديف والدنيا سجال عز من له فالشدايد رفيقٍ يذخره نتكل بالله ونجعل من الـنـيّـات فال رزقنا ما هو قليل التدبر ياحجره رزقنا في ظل ما غيره اللي له ظلال لا تـوقّـظ كل من راقدين المقبره ربي لك يممت وجهي ملحٍ بالسؤال فأنت سابق قو بطشك وسيع المغفره الشهاده عند ما موت والجنه نوال ذاك مطلوبي ومنك العطا مانحصره